Ásta Kristrún er frumkvöðull í námsráðgjöf á Íslandi.
Sem forstöðumaður til 18 ára byggði hún upp og mótaði Námsráðgjöf Háskóla Íslands og vann að uppbyggingu náms í námsráðgjöf við HÍ. Þá var hún sporgöngumaður í málefnum fatlaðra stúdenta sem leiddi til lagasetninga Hí fyrir þann málaflokk.

 

Ásta hefur ríka skipulagsgáfu sem Háskóli Íslands nýtti óspart í stórum verkefnum, t.d. borð við námskynningar HÍ heima sem heiman og fyrstu brautaskráningu stúdenta í Laugardalshöll.
Eftir að hún lauk störfum við HÍ stýrði hún sviðslist fyrir ráðstefnuna „Women and Democracy“ í Borgarleikhúsinu, þar sem Hillary Clinton var „Key Speaker“.

 

Barnaverndarmál hafa verið henni hugleikinn, hún sat í Barnaverndaráði Íslands í 4 ár og fyrir hönd ráðsins sat hún í  Tæknifrjóvgunarnefnd Dómsmálaráðuneytisins í 9 ár.

 

Ásta stofnaði eigin ráðgjafarstofu Hollráð þar sem hún bauð fyrirtækjum og stofnunum ráðgjöf og mannauðsnámskeið.
Þar voru líka haldin vikulöng námskeið fyrir börn á aldrinum 5 -12 ára þar sem viðfangsefnið voru tjáning, siðir, samskipti, hugleiðsla og náttúruvernd. 
 

Ásta bjó og býr enn að reynslu sinni við vinnu á Barnaheimilinu Steinahlíð í fimm sumur og við efnisgerð og sem kynnir í „Stundinni okkar“ .

 

„Auður efri ára“ námskeið  sem Ásta þróaði fyrir þá sem horfðu fram til starfsloka hlaut viðurkenningu EU sem „Model of Good Example“.

 

Hún vann við gerð tveggja veflægra hugbúnaðatækja sem byggðu á kenningum hennar ; Það fyrra var NemaCode áhugasviðsgreining sem hlaut styrk úr Leonardo-áætlun Evrópusambandsins og hitt Nemanet, veflægt vinnutæki fyrir skilvirka upplýsinga- og þekkingaröflun fyrir námsmenn sem styrkt var af Rannís.

 

Listrænir hæfileikar Ástu komu til góða þegar hún hannaði og gerði upp gömul hús sem vöktu mikinn áhuga og leiddi til ótal birtinga og umfjöllunar í prentmiðlum og sjónvarpi .